എന്റെ വാക്കില്‍ തീയുണ്ട്‌ കത്തുന്ന പകയുണ്ട്
എന്നിട്ടും നിങ്ങളെന്നെ ഊമയെന്നു വിളിക്കുന്നു
എന്റെ കയ്യുടെ കരുത്താല്‍ നിങ്ങളുടെ കാലം തന്നെ മാറുന്നു
എന്നിട്ടും നിങ്ങളെന്റെ കയ്യുകള്‍ കാണുന്നില്ല
എല്ലാം കാണുന്ന എന്നെ
എന്തേ നിങ്ങള്‍ അന്ധന്‍ എന്ന് വിളിക്കുന്നു ?
ശബ്ദ കോലാഹലങ്ങള്‍ കൂട്ടി
നിങ്ങളെന്റെ കാതുകളെ കൊട്ടി അടച്ചില്ലേ ?
എന്റെ മണ്ണില്‍ നിന്നെന്നെ അടര്‍ത്തി മാറ്റാന്‍
നിങ്ങളെന്റെ കാലുകള്‍ വെട്ടി മാറ്റിയില്ലേ ?
പിന്നെ എന്തിനെന്റെ രക്തവും സിരകളും ബാക്കി നിര്‍ത്തി
എന്നെ ബുദ്ധി ജീവിയായി കുടിയിരുത്തി ?
എന്റെ മരണത്തെ നിങ്ങള്‍ ആഘോഷിക്കുക
എന്റെ നെഞ്ചില്‍ ആ ചോരയുടെ ഗന്ധമുള്ള റീത്തുകള്‍ വെക്കുക ......
Subscribe to:
Post Comments (Atom)
3 comments:
ബുദ്ധി ജീവി , ചില്ല് മേടയില്‍ ഇരുന്നു , അക്കാദെമിക്ക് ഉയര്‍ച്ച മാത്രം ലക്‌ഷ്യം വെച്ച് ചെയ്യുന്ന പ്രവര്‍ത്തികള്‍ ഒരിക്കലും ഒരു സാമൂഹ്യ പ്രവര്‍ത്തകന്റെ ഏഴയലത്ത് പോലും വരികയില്ല . എങ്കിലും ബുദ്ധിജീവി പ്രതിനിധാനം ചെയ്യുന്ന പ്രത്യയ ശാസ്ത്രം മനുഷ്യരുടെ കഷ്ട്ടതക്ളുടെ , തൊഴിലാളികളുടെ ആണെങ്കില്‍ അതിനെ കയ്യടിച്ചു സ്വീകരിക്കാം . ഈ കവിത അക്കൂടരുടെതാണ് ....നന്നായി ...
കവിത കൊള്ളാം ആശംസകൾ!
കൊള്ളാം...
ചെറുതെങ്കിലും ആശയ സമ്പുഷ്ടിയുള്ള കവിത.
Post a Comment